من الســـَّــعــــادة

[آمنة المحبوبة]

من الســـَّــعــــادة
***
**
*
أدوّر وانشـــد النّـاس السّـعـادة وش تكون و وين
وكيـف اعـرف سـعـيـد النّـفــس وأميّــز معـذبـهـا؟
***
سـعـيـد النـَّـاس مادري بأيـش يتميـز عن الباقيـن
حياته غير؟ والاّ دنـيـتـه ما احـد ,ن, يعـيـش بها؟
***
يقــول الطفـل أنا عنـدي السَّـعـادة في قـلـم تلـوين
وفـي ضـحـكـه وفـي لعـبـه مـع الأطفــال نلـعـبـهـا
***
وفي لمســة حنان ,ن, من يدين أمي احَـن أيدين
وضمّــة حـب وحكـايـات قبـل النــّـوم ما أعذبــــها
***
وقال العَـود أنا اشـوف السَّــعـادة في لـزوم الـدِين
وذكــر ,ن, يـرضي الـرَّحمـن والدنيــا نجـنّـبهـــــا
***
قضيت العُمــر و تقلّبت ف الدنيــا على الجنـبـيـن
بغـيــر رضــاك يـــاربي حـيــاتي مـا هـنـيـت بهــا
***
وذا في دنيـتــه متـغـرّب ,ن, ما بين زَيـن وشَـيـن
يقل عندي السَّـعادة عودتي لارض,ن, ربيت بهـا
***
رضيت البـُعــد وتحمَّــلت لرضـاها عــذاب البـيـن
عســاي ارجـع لهـا بالخيــر واتـنـاسى متـاعبـهـا
***
ومرعـوب,ن, منامه فـوق خوفـه بين عين وعين
حيـاة الخـايـف المـرعـوب من يقـوى مصـاعـبهـا
***
منامه خـوف ونهـاره حــذر وســعـادتـه ضعـفـين
إذا حــس الأمــان بدنـيــتــه والأنــس جـــال بـهــا
***
وموجـوع ,ن, علامات المـرض في وجنتيه تبيبن
يديـن معــالجه بالعـيـن والـرجــــــوى يــراقـبـهــا
***
يقــول آشـــوف تــاج الصّحــة وحـمَّـالـتـه لاهـيـن
ســـعــادة صـحّـة الابـدان مـا غـيــري يحـس بهــا
***
ونـــاداني فـقـيــر ,ن, مــلْ مـن فَـقــره وذل الدَين
حيــاة اليُـتـــم والحــاجه ونــار الجــوع جـــربهـــا
***
يقــــول الّـي ســعـيد ,ن, من طلبته ما يقول منين
ونـفـســه تشــتهي وتـنــال ف الدنيــا مطـالـبــهــا
***
ومَــر العــاشــق الــولهـان عاشـق قايـد الحلـوين
يقل مبســم حبـيـبـي سـحــر وعـيـونــه بليت بهــا
***
الا يا التّـغـلـبـي وش حيـلتـي فـي نـابـي النـهـديـن
رمـوشــه قـوة ,ن, عظمى ضعيف القلب حاربهــا
***
جـرحنـي واخـتـفـى وآنا آتــرجَّى من ثـلاث سنيـن
وضحكـة صاحبـي في مصــرعي هـذي عــواقبهـا
***

نِحل حَالي ونار ,ن, في ضلوعي من فراق الـزين
وصــورة صاحبـي ذكــراه في فـكـري تجــول بهـا
***
الا يــا للّـه يــا ربي تـيــسِّــــــر عَــــودة الغــالـيـن
اكـون اسعــد بشــر لو عــودة الغـالي حظيت بهــا
***
**
*​